Туу күнү менен Ак калпак күнү №15 кесиптик лицейинде

Кочкор районундагы Ж. Тойгомбаев атындагы №15 кесиптик лицейде бүгүн 3-март Мамлекеттик Туу жана 5-март Ак калпак күнү салтанаттуу түрдө белгиленди.

Иш- чаранын жүрүшүндө Кыргызстандын Мамлекеттик Туусу жөнүндө кенен маалымат берилип кыргызды даңазалаган ыр саптар окулуп, атайын даярдалган кыскача видео слайд көрсөтүлдү.

Иш- чарада Мамлекеттик Туу даңазаланды

Ак калпактын тарыхы боюнча видео слайд көрсөтүлдү

Кыргызстанда Ак калпак күнү 2011-жылдан баштап официалдуу эмес түрдө белгиленип, кийин 2016- жылы официалдуу статус алып, жыл сайын кыргыздын Ак калпагы – тоолордун жана тазалыктын символу болуп улуттук баш кийими катары салтанаттуу түрдө белгиленип келет.

Лицейдин окуучулары Мамлекеттик туу жана ак калпак боюнча кеңири маалымат алышты.

Кыргыз Республикасынын Мамлекеттик Туусу Кыргызстанда 1992-жылдын 3-мартынан баштап белгиленип, быйыл 31 жылдыгы белгиленүүдө.

Гимн ырдалып жаткан учурдан

Иш- чарада Кыргыз Республикасынын Мамлекеттик Гимнин жандуу үн менен ырдалды, андан соң окуу жайдын имаратынын алдында окуучулар менен жөө жүрүш болду.

Окуучулар туу көтөрүп жөө жүрүш уюштурушту

Жөө жүрүш учуру

Илгертен кыргыз эли урпактары үчүн канчалаган ысык-муздак күндөрдү баштан кечиришкен. Кыргыз Мамлекетибиздин символдорун көздүн карегиндей сактообуз абзел.

Төлөн Токтосунова