Таласта Улуттук көчмөндөр оюну башталды

Кечээ, 16- сентябрда Талас шаарынын Райкан Алканов атындагы ат майданында биринчи Улуттук Көчмөндөр оюндары башталды. Башталуу аземине толугу менен курулуш иштери аяктады. Көчмөндөр оюндары 16-21 сентябрь күндөрү, Талас облусунда өткөрүлүп жатат.

Биринчи спорттук оюндары көк-бөрүдөн башталды. Жалпысынан, 9 команда катышат, 7 облус жана 2 шаар. Азыркы учурда жалпы байге фонду аныктала элек, күндөн күнгө спонсорлор көбөйүп, фонд дагы өсүп жатат. Райкан Алканов биринчи оюнчуларга өзүнүн батасын берди.

Иш-чара башталгандан бери, облустук милиция күчөтүлгөн тартипке өткөн. Бардык кызматкерлер оюн болуучу жерлерге, коомдук тартипти камсыз кылышат. 500 гө жакын адам кызматта, андан тышкары ардагерлер, элдик кошуундар жардам берүүдө. Бүгүнкү күнгө эч кандай укук бузуулар катталган жок. Келген конокторду жана тургундарды тартипке чакырып, милицияга жардам берүүнү өтунүнөбүз.

Кыргыз улуттук “Манас Ордо” комплексинде, театралдык шоу-программалар 19-сентябрда старт алат. Ар облустан келген коноктор өздөрүнүн чеберчилигин көрсөтүшөт. Ошондой эле, концерттик бөлүм болот. Майрамдык кече, 21- сентябрь саат 19:30 башталып, Кыргыз Республикасынын Президенти өзү катышуусу пландалууда.

Даярдаган: Айжамал Кубанычбекова