Чолпон айылы: Улуу Жеңиш күнүнө 78 жыл

10 Май 2023 жыл 20:06

Көрүүлөрдүн саны: 627

Бүгүн 10-май күнү Кочкор районуна караштуу Чолпон айылындагы Корчубек Акназаров атындагы орто мектебинде 9-май Улуу Жеңиш күнүнө карата кичи иш чара өттү.

Иш чарага айыл өкмөтүнөн өкүлдөр катышышты

Бүгүн саат 11:00 чамаларында иш- чара башталды. Иш- чарага Чолпон айыл өкмөтү келип, анын куттуктоосу менен ачылды. Ошондой эле мектептин коллективинен да мугалимдер кыскача куттуктоолорду жана аталарыбыздын согушта көргөзгөн эрдиги тууралуу сөз кылышты. Андан соң 10-класстын окуучулары согуш учурундагы мезгилди чагылдырып, спектакль ойношту. Анын ичинен обондуу ырлар, декламациялар, көркөм окуулар жана доклад окулду.

Спектакль учурунан бир көрүнүш

Доклад окуу учуру

Жалпысынан иш- чараны Корчубек Акназаров мектебинин 10-класстар уюштурушту. Кыскача тарбия саат бүткөндөн кийин жөө жүрүш болду. Парад музыка менен коштолуп ардагерлердин сүрөтүн көтөрүшүп эскеришти. Жөө жүрүш аягына чыккандан кийин Улуу Жеңиш күнүнө арналган эстеликке гүл коюшту.