Айылдык дүкөндө азык-түлүк бир топ кымбаттаган

Т.Кулатов айыл өкмөтүндөгү Сарыбай айылындагы «Жал» дүкөнүнүн сатуучусу Мыктыбек Ормонов 3 жылдан бери дүкөндү иштетип келет. Азык-түлүктүн кымбаташын элдер туура кабыл алды. Нааразычылыктар да болуп турат деп билдирди жеке ишкер.

«Жал» дүкөнү

 

Мыктыбек Ормонов

Жеке ишкер «Жал» дүкөнүнүн ээси Мыктыбек Ормонов:

«Мен ишмердүүлүктү баштаганыма 3 жылдын жүзү болду. Ишмердүүлүктү баштаганда албетте кыйынчылыктар да болот. Айыл өкмөт тарабынан эч кандай жеңилдиктер жок. Ар бир иштин өзүнүн кыйынчылыктары болгондой эле соода тармагында да кыйынчылыктар болуп турат. Бул дүкөн күнүмдүк кирешебиз, үй-бүлөлүк бюджетибиз. Ушул иш аркылуу үй-бүлөлөмдү багамын. Бул дүкөндө көбүнчө азык-түлүктөр сатылат. Азык-түлүктүн 70%ы фирмалардан доставка менен келет. Көртөшкө, пияз ушул сыяктуу азык-түлүктөрдү базардан өзүбүз алып келебиз. Спирт ичимдиктери, кылымдар сатылбайт.

 Азык-түлүк мурдагы баасына караганда бир топ жогорулады. Элдер муну түшүнүү менен кабыл алды. Албетте, нааразычылыктар да болуп турат. Баалар көтөрүлгөндө сатуучуларга кыйынчылык жаратат. Себеби ар бир кардарга түшүндүрүп берүү керек. Азык түлүктү өзүңөр көтөрүп алдыңар деген кардарлар да жок эмес.»

Айыл тургуну, кардар Сезим Калилова

Айыл тургуну Сезим Калилова:

«Мен көбүнчө «Жал» дүкөнүнөн соода кылып, керек болгон буюмдарымды аламын. Айыл жеринде азык-түлүктөрдүн баасы базардан бир аз эле айырмаланып турат. Баалар мурдакыга караганда бир топ көтөрүлгөн. Эл түшүнүү менен кабыл алууда.

Кээде акча жок кезинде насыяга да алабыз. Айлык маянабызды алганда кайра төлөйбүз.»

Чынара Көчкөнбаева