Жазгы шамалдын кесепетинен зыян тарткан лицейдин чатырлары оңдолду

Сокулук районунун Жаңы-Жер айылында жайгашкан Б. С. Шаршенбаев атындагы №43 кесиптик лицейде оңдоп түзөө иштери аткарылууда. Жазында болгон катуу шамалдын кесепетинен жатакананын, окуу корпусунун шыйпырларын шамал учуруп, сынып калгандыктан жаан чачын учурунда үстүнөн жаан агып калган. Окуучулардын сапаттуу билим алуусуна шарт түзүү үчүн окуу корпусунун, жатакананын чатырлары оңдолду. 

Жаңы-Жер айыл аймагында жайгашкан кесиптик лицейде өлкөнүн ар тарабынан келген окуучулар окушат. Алар ар кыл багыттагы кесипке үйрөнүшөт. Окуучулардын  арасында ден-соолугунан мүмкүнчүлүгү чектелген окуучулар дагы бар. Ал окуучулар үчүн атайын бардык шарттар түзүлгөн.

Сокулук районунун Жаны-Жер айыл аймагында жайгашкан 43 кесиптик лицейи

Быйылкы жазгы катуу шамалдын кесепетинен чатырларды гана учурбастан, окуучулардын тамак ашын жакшыртууга  пайдаланылган жер жемиш өстүрүүчү күнөсканаларды дагы талкалап кеткен. Учурда лицейдин жамааты оңдоп түзөө иштерин аткарып жатышкандыгы боюнча, окуу тарбия иштери боюнча директордун орун басары Чынара Алиева айтып берди.

43-кесиптик лицейдин окуу корпусунун чатырын оңдоо иштери

Чынара Алиева: «Быйылкы жылы шамалдын кесепетинен бир топ чыгымга учурадык. Окуу корпустарын, жатакананын чатырларын шамал сындырып кетти. Окуучулардын тамак ашына пайдаланган жер жемиштерди күнөсканаларда өстүрчү элек. Жазында өстүрүлүп жаткан жер жемиштерибиз менен кошо шамалдан улам талкаланды».

Жашылча жемиш өстүрүү Чүй парниктин кленкасы айрылып жашылча жемиштер өтпөй калды 

Чынара алиеванын айтымында  кышында көк пияз, ашкөк, жусай сыяктуу көк сактарды өстүрүп колдонушкан. Быйыл баардыгын сатып алууга туура келет. Баарынан дагы ден-соолугунан мүмкүнчүлүгү чектелген окуучулардын тамак ашынын сапатын жакшыртуу үчүн аларга витаминдүү жер жемиштерди көбүрөөк берүү талап кылынат.

Кесиптик лицейдин чатырларын оңдоп түзөө иштерин лицейдин жамааты өздөрү колго алышты.

Турсун Омуралиева