Жанылыктар, кызыктуу видео, фотолорду бизге жөнөтүңүз WhatsApp 0555402155
Мал доктурлук кесипти айымдар чанда тандашат. Бирок каарманыбыз Кубатова Айнура райондук дарт аныктоо борборунда экспертиза жана серология секторунда сектор башчысы болуп эмгектенет.
Бул кесипти аркалаганына 15 жылдын жүзү болду. Скрябин атындагы айыл чарба инсититутунун ветеринария факультетин аяктагандан кийин туулуп-өскөн жерине келип, алгач эмгек жолун лаборант болуу менен баштаган.
“Бала кезимде мал дарылаганды жакшы көрчүмүн. Бул кесипти тандаганыма албетте өкүнбөйм. Кыйынчылык болду. Айрыкча сыртка чыгып малдын канын текшерген учурда кыйналчумун. Бирок ар бир кесипте кыйынчылык болмоюн ийгилик болбойт. Малдын канын текшерүү учурунда ар кандай ооруларды жугузуп албаш үчүн эрежелерди туура сакташыбыз керек”, — дейт каарманыбыз.
Зарыккан адамдардын малын дарылоо менен адамзаттын ден-соолугуна кам көргөн кесип ээлери көп болсун. Анткени “медицина адамдарды дарыласа, ветеринария адамзатты дарылайт” деп айтылат эмеспи.
Даярдаган: Адина Айылчиева, Калида Кубанычбекова
Клооптун журналистика мектебине катышуу үчүн сынакка
Загрузка ...