Окуучулар Айтматовдун чыгармаларын тасмага түшүрдү

26 Декабрь 2021 жыл 10:03

Көрүүлөрдүн саны: 970

Ак-Талаа районундагы Ш.Бейшеналиев атындагы инновациялык орто мектебинин окуучулары улуу жазуучу Ч.Айтматовдун чыгармаларынан үзүндүлөрдү тасмага түшүрүштү.

Аталган иш-аракет 12-декабрь Улуттук адабият күнүнө арналып өткөрүлгөн бир айлык декаданын алкагында жасалды.

Мектептин кыргыз тили жана адабияты усулдук бирикмесинин жетекчиси Г.Мамытбекованын айтканына караганда кинотасмаларды 8-11-класстын окуучулары өз алдынча, эч кимдин жардамысыз тартышты.

«Айрым класстар бирден чыгармадан үзүндү тартышса, 3-4 чыгарманы тарткандар да болду. Суукка карабай окуучулар сабактан кийин тартышты. Алар бул иши менен жазуучунун чыгармаларын сүйө тургандыктарын көрсөтө алышты. Негизи бул сынак түрүндө жарыяланган. Жыйынтыгы чыгарылды»,- деди.

Декаданын соңунда «Мыкты кинотасма» деп Ч.Айтматовдун «Саманчынын жолу» чыгармасы боюнча 11в-классынын окуучуларынын тарткан тасмасы 1-орун, ал эми 8б-классынын «Кылым карытар бир күн» романы боюнча тартылган «Манкурт» тасмасы 2-орунга ээ болду. 11а-классынын окуучуларынын «Манкурт» тасмасы 3-орунду алды. Мындан сырткары «Мыкты видеоролик», «Мыкты актер» номинациялары боюнча жеңүүчүлөр аныкталып, грамоталар жана акчалай сыйлыктар ыйгарылды.

«Мыкты роль» номинациясында 1-орун алган Мурат Маметов

«Мыкты кино» номинациясы боюнча 3-орун ду 11б-классы жеңип алды

«Мыкты видеоролик» номинациясы 1-орун 10в-класс

«Мыкты кино» 1-орун 11в-класс

11-кл.окуучусу Асель Женишбекова көрүүчулөрдун арзуусуна татыды

Ошондой эле ролдорду мыкты аткарган окуучуларга көрүүчүлөрдүн арзуусуна татыктуу болгон окуучуларга да таттуулар белекке берилди. Окуучулардын эмгектерине мектептин жана усулдук бирикменин мугалимдери демөөрчүлүк кылышты.