Ак-Талаада балдар жазуучусу Шүкүрбек Бейшеналиевдин 95 жылдыгы белгиленди

4 Декабрь 2023 жыл 8:43

Көрүүлөрдүн саны: 461

Ак-Талаа районундагы Ш.Бейшеналиев атындагы орто мектебинде балдар жазуучусу, коомдук ишмер, Андерсен атындагы Эл аралык сыйлыктын ээси Шүкүрбек Бейшеналиевдин 95 жылдык мааракеси, ысымы берилгендигинин 25 жана имараттын пайдаланууга берилгендигинин 45 жылдыгы чоң салтанат менен белгиленип, ага райондун акими Ж.Жапаров, “Ак-Талаа Эл коомунун” өкүлү Ж.Абдиев, акын Ө.Дөлөев, Баетов айыл өкмөтүнүн башчысы У.Жусупжанов, ата-энелер, ардагер мугалимдер, мектептин мурдагы бүтүрүүчүлөрү, мектепти аяктаган мекеме жетекчилери, ата-энелер, мугалимдер жана окуучулар жамааты катышты.

Салтанатка келген меймандар

Ак-Талаа райондук мамлекеттик администрациясынын башчысы-аким Жумадилла Жапаров

Ак-Талаа райондук билим берүү борборунун башчысы Каныбек Эсеналиев

Акын Ө.Дөлөев

Мектептин бүтүрүүчүсү, КРнын Эмгек сиңирген дарыгери Б.Исамамбетова жана А.Жолдубаев

Мектеп жамааты аталган салтанатка чоң даярдык көрүшүп, бир катар иш-чараларды уюштурушкан. Келген меймандар алгач эле жазуучу тууралуу жана анын чыгармаларынан турган көргөзмөгө күбө болушту. Ага улай эле жазуучунун каармандарына жолугушту. Ошол эле учурда чоң экрандан мектептин тарыхы, бүтүрүүчүлөр, мугалимдер, мектепти аяктаган коомдук жана маданият ишмерлери тууралуу видеобаян берилип жатса, окуучулар жазуучунун каармандарын сүрөткө түшүрүп жатышты.

Меймандар жазуучунун өмүр баяны, китептери менен таанышууда

Жазуучунун чыгармалары окуучулардын кыл калеминде

Жазуучунун каармандары

Салтанаттын расмий бөлүгүндө мектептин гимнинин бет ачары тартууланды. Окуучулар “Кычан” повестин орус жана кыргыз тилдеринде сахналаштырып коюп беришти. Келген меймандар куттуктоо сөз сүйлөшүп, мектептин жетишкендиктерин баса белгилешти. Салтанаттын жүрүшүндө чай үстүндө баарлашуу болуп, меймандарга мектептин юбилейлик календары таратылды.