ОРВИ менен сасык тумоону кантип айырмаласа болот?

Учурда күз-кыш айларына мүнөздүү болгон ОРВИ(курч респиратордук вирустук инфекция) көбөйүп жатат. Алардын 60%ын 14 жашка чейинки балдар түзүп, анын ичинде 2-4 жаш курактагылар басымдуулук кылууда. Көпчүлүк жалпысынан окшошуп кеткен сасык тумоо, ОРВИ же ковид-19 кайсынысы экенин айырмалай албай жатышат. Бишкек шаардык санитардык көзөмөлдөө борборунун адиси, эпидемиолог Рыскүл Чыналиева буларды кантип айырмаласа болорун айтып берди.


Курч кармаган жугуштуу инфекциялык оору жалпысынан вирустардын тобуна кирет. Анын ичине ОРВИ, грипп, парагрипп, аденовирус, риновирус жана башка көптөгөн подтиптерден турат. Булардын жалпы белгиси аба менен(жөтөлгөндө, чүчкүргөндө жугат) таралат.

ОРВИ\сасык тумоо

• Дене табынын көтөрүлүүсү экөөндө тең болот. Бирок ОРВИде өтө жогорку цифрага жетпейт жана эртең менен же кечинде гана көтөрүлүп 2-3 күндүн ичинде жакшы болуп калат. Ал эми сасык тумоодо дене табы 35-40 чейин көтөрүлөт, дары ичсе дагы 5-6 күнгө чейин сакталуусу мүмкүн.
• Мурундун бүтүшү, суу куюлуу ОРВИде катуу, көбүрөөк болот. Ал эми сасык тумоодо мурун бүтпөшү дагы мүмкүн ошондой эле суу анчалык көп акпайт.
• Тамак оору жана жөтөл эки учурда тең болот.
• Чүчкүрүү ОРВИнин биринчи белгиси, бул учурда адам көп чүчкүрөт. Ал эми сасык тумоодо чүчкүрүү болбошу дагы мүмкүн.
• Баш оору, дененин оорусу, чыйрыгуу 2 учурда тең байкалат. Сасык тумоодо дененин жанчылып ооруусу жана баш катуураак ооруганы менен айырмаланат.
• Көздөрдүн сезгенүүсү кызарышы жана жаш агуу сасык тумоого мүнөздүү десек болот.
• Кусуу, ич өтүү ОРВИде чанда гана болот. Ал эми сасык тумоодо катуураак кармайт.
• Ошол эле учурда ковид-19 айырмаласа болот. Анткени ковид башка вирустарга караганда оор түрдө өтөт. ОРВИ менен көбүнчө жаш балдар ооруса, ковид-19 улуу муундун өкүлдөрүндө көбүрөөк кездешет. Ковид-19да жыт жана даам билүү жоголсо, сасык тумоо же ОРВИде мындай дээрлик болбоосу мүмкүн.

Кандай кылуу керек?

Оорунун белгилери байкалган учурда өз алдынча даарыланбай дарыгерге кайрылуу керек. Ага кошумча дем алуусу оорлоп же дагы башка белгилер коштолсо тез жардам чакырып ооруканага жатуу сунушталат.
Убагында даарылабай узак убакыт үйдө кармап жатуу ар кандай пневмония, гайморит, менингит, тонзиллит, кулактын сезгенүүсү жана жүрөк, өпкөнүн бузулуусуна алып келүүсү мүмкүн.

Ооруну алдына алуу:

Колдун гигиенасы 80% ар кандай ооруларды чакырат. Андыктан колду таза кармоо, таза абада сейилдөө, туура тамактануу, убагында эс алуу, эл көп чогулган жерлерден оолак болуу жана көчөдөн келгенден кийин тамакты чайкоо зарыл.

Бул материалдарды дагы окуңуз:

Баланын иммунитетин кантип көтөрүү керек?
Таза кол өмүрдү сактайт
Балаңыз тез-тезден ооруп жатса ага мээрим жетишпей жатышы мүмкүн

Айгерим Кубатбекова