Сүрөт: Кочкор районуна өрт өчүрүүчү унаалар берилди

13 Март 2023 жыл 19:20

Көрүүлөрдүн саны: 219

Бүгүн Кочкор райондук Өзгөчө кырдаалдар бөлүмүнүн өрт өчүрүү жана алдын алуу бөлүмүнө мамлекет тарабынан эки КАМАЗ үлгүсүндөгү өрт өчүрүүчү автоунаа жана Кочкор райондук администрациясынын өнүктүрүү фондунан 1 үйлөтмө кайык, 1 компрессор, 2 мотопомпа, 2 компьютер, 2 ноутбук, 2 принтер, 4 дүрбү, 4 рация, 5 төшкө чейин кийилүүчү өтүк берилди.

Кочкор райондук мамлекеттик администрациясы өрт өчүрүчүү автоунаалар менен танышуу учуру

Бүгүнкү иш-чара боюнча Кочкор райондук өзгөчө кырдаалдар бөлүмүнүн өрт өчүрүү жана алдын алуу бөлүмчөсүнүн башчысы Өмүрбек уулу Адилет кийинки маалымат менен бөлүшүп берди: «2022-жылы өрт өчүрүү бөлүмүн күчтөндүрүү максатында мамлекет тарабынан 1 даана КАМАЗ 65-115 үлгүсүндөгү өрт өчүрүчүү автоунаа берилген, быйыл болсо 1 даана КАМАЗ 43-118 үлгүсүндөгү автоунаалар келди. Бардыгы мамлекет тарабынан бөлүнүп, Россия Федерациясынын заводдору чыгарган автоунаалар.

Өрт өчүрүү каражаттары

Иш-чарага Кочкор райондук мамлекеттик администрациясынын башчысы аким Эрмекбай Омошев катышып, өзгөчө кырдаалдар бөлүмүнүн өрт өчүрүүчү бөлүмчөсүнүн кызматкерлерине иштерине ийгилик каалап кетти.