Суусамырдагы мектепте орус тили жумалыгы өткөрүлдү

Чүй облусунун Жайыл районуна караштуу Конушбаев Кадырбек атындагы Суусамыр жалпы билим берүү мектебинде орус тили жумалыгы уюштурулду.Жумалыктын алкагында окуучулар орус тилинде ырдап, бийлеп, көркөм өнөрлөрүн тартуулашты. Ошондой эле иш-чаранын жүрүшүндө катышуучулар орус элинин каада-салттары жана үрп-адаттары менен кеңири таанышышты.


Мындан сырткары, окуучулар тарабынан даярдалган плакаттар көргөзмөгө коюлуп, ар түрдүү чыгармачыл иштер сунушталды. Жумалык жогорку деңгээлде өтүп, катышуучулар үчүн кызыктуу жана эсте каларлык болду.
Иш-чаранын соңунда активдүү катышкан окуучуларга белектер тапшырылды.

Даярдаган: Сагынбаева Айдай