Ноокат: «Алтын күз» майрамынды окуучулар жарманке уюштурат

Ош облусунун Ноокат районуна караштуу Т. Айбашев атындагы орто мектебинде «Алтын күз» майрамы болуп өттү. Ага 3-11-класска чейинки окуучулар катышты. Иш-чаранын жүрүшүндө балдар үйдөгү мөмө жемиштерден алып келип сатышып андан түшкөн каражатты, класстарына керектүү нерселерди алууга сарптайт.

Т. Айбашев атындагы орто мектептин директору Чынара Нурманова иш-чаранын негизги максаты окуучуларды эмгекке тарбиялоо, базар эканомикасына салым кошуу экендигин белгилейт:

«Бүгүнкү «Алтын күз» майрамы жогорку деңгээлде болуп жатат. Бул майрамды биз жылына күз мезгилинде өткөзөбүз. Себеби күз мезгилинде бардык жер жемиштер, мөмө жемиштер бышат. Майрамга 3-11-класска чейинки окуучулар катышып, үйдөгү мөмө жемиштерден алып келип сатышып андан түшкөн каражатты, класстарына керектүү нерселерди алууга сарптайт.»- деп билдирди Нурманова.

Кызыл-Булак айылынын тургуну Забида Мамытова:

«Бүгүнкү Алтын күз майрамы менен окуучуларды куттуктайм. Мыкты денгээлде өтүп жатат. Мен бул майрамда жыл сайын келип соода кылып кетем. Себеби базар баасынан кыйла арзан жана сапаттуу азык заттар сатылат.» -дейт Мамытова.

Т. Айбашев атындагы орто мектебинин англис тили мугалими Наргиза Абллаева:

«Бүгүнкү Алтын күз майрамына окуучулар аябай жакшы даярданып келиптир. Учурдан пайдаланып 9-б класстын ата-энелерине терең ыраазычылык билдиремин. Мындан ары да окуучуларга жана мугалимдерге ийгиликтерди каалайм.» -деп билдирди.

Даярдаган: Жумагүл Көчкөнбаева, Мухаммадамин Токтосунов