Бул кече 2018-жылдын 18-майында Тогуз-Торо райондук маданият үйүндө өткөрүлдү. Бул салтанатка Тогуз-Торо, Сары-Булуң, Каргалык, Көк-Ирим, жана Атай айылдарынан энелер келип катышышты. Жалпысынан айыл аймактардан 200 эне чакырылган.
Раймамадминистрациясы тарабынан 6 энеге номинациялар тапшырылды. Ошондой эле бул салтанатта кол өнөрчүлөрдүн көргөзмөсү уюшулган. Кол өнөрчүлүк көргөзмөсүно катышкан 5 айыл өкмөттөрдүн, Маданият бөлүмүнүн кол өнөрчүлөр бирикмесине жана №45 кесиптик лицейинин уз айымдарына акчалай сыйлык тапшырылды. Салтанатка демөөрчүлүк кылып Тогуз-Торо айыл өкмөтүнүн тургуну Урмат Токтожумаев тарабынан 100 энеге белекке жоолук тартууланды.
Сары-Булуң айыл аймагынан жалпы 30 эне барган. Бул тууралуу Сары-Булуң айыл аймагынын социалдык кызматкери Бурулсун Эрмекова төмөнкүлөрдү билдирди: “Ар бир энеге айыл өкмөтү тарабынан 300 сом акчалай сыйлыктар тапшырылды.
Тогуз-Торо райондук мамлекеттик администрациясы тарабынан Сары-Булуң айылынын тургуну Дүйшөкан Абдыманаповага “Кадырман эне” номинациясы ыйгарылды. Сары-Булуң айыл өкмөтүнүн бюджетинин эсебинен 15 миң сом акча каражаты каралды.”
Даярдаган:Нуриза Рыскулова