Акталаада жарандарды турак жай менен камсыздоо багытында 214,25 га жер трансформацияланат

КРнын Министрлер Кабинетинин төрагасы А.Касмалиев Ак-Талаа районунун Баетов айыл аймагындагы бир катар айыл чарба багытындагы жер тилкелерин «Айыл чарба багытындагы жерлер» категориясынан «Калктуу конуштардын жерлери» категориясына которуу (трансформациялоо) тууралуу токтомго кол койду. Бул аталган аймакта жашаган жүздөгөн жарандардын көптөн күткөн маселесине жол ачкан маанилүү чечим болду.

Айрыкча, турак жай салуу үчүн кезекте турган жарандар үчүн чоң үмүт жана мүмкүнчүлүк жаратат. Себеби акыркы жылдары калктын саны өсүп, турак жайга болгон муктаждык күчөгөнү менен жер берилбей келген. Ошондой эле жаш үй-бүлөлөрдүн көбү турак-жайы жоктугунан сыртка чыгып кетүүгө мажбур болушкан. Эми трансформациялоо процесси жөнөкөйлөшүп, жарандардын мыйзамдуу негизде үй салуусуна шарт түзүлөт. Бул -жөн гана жер маселесин чечүү эмес, үй-бүлөлөрдүн келечегине, балдардын коопсуз жана туруктуу шартта жашоосуна өбөлгө болгон социалдык маанилүү кадам.

Бул чечим аймактарды өнүктүрүүгө да оң таасирин тийгизет.

Даярдаган: Барчын Мамытбекова