Баетовдо «Алиппе» майрамы жыйынтыкталды

Баетов айылындагы Шүкүрбек Бейшеналиев орто мектебинде жеткинчектердин “Алиппе” майрамы белгиленди. Анда окуучулар жыл бою үйрөнгөндөрүн ата-энелерине, окуучуларга көрсөтүп беришти.

Ар бири өзүнө бөлүнгөн тамгалар боюнча ырларды айтышып, бий бийлеп, жомоктордон үзүндүлөрдү коюшту.

Айрым класстардын окуучулары жаныбар же канаттуулардын элесин берген формаларды атайын майрам үчүн даярдашкан.

1-а класстын жетекчиси А.Кулманбетова:

— Бүгүн ата-энелерге, мугалимдерге биз эмне үйрөнгөнүбүздү көрсөтүп жатабыз. Бир топ жетишкендиктерге ээ болдук. Азыркы окуучулар бардыгына жөндөмдүү. Ал эми формаларды ата-эненин көмөгү менен даярдадык.

Даярдаган: Жылдызбекова Алтынай