Ак-Талаада студенттер аз камсыз үй-бүлөлөргө жардам көрсөтүштү

“Ак-Талаа жаштары” коомдук бирикмеси Ак-Талаа районунун аймагындагы социалдык жактан аз камсыз болгон үй-бүлөлөргө азык-түлүк жардамдарын беришти.

Райондук билим берүү бөлүмүнүн башкы адиси Жакшылык Ильичбек уулунун айтымында, Баетов айылындагы 14, Теректе 3, Байгөнчөктө 2, Кайынды-Булактагы 3 жардамга муктаж 22 үй-бүлөгө жалпы наркы 50 миң сомдук азык-түлүк берилди.

Коомдук бирикменин мүчөлөрү даректүү жардамды үйлөрүнө жеткиришти. Жардамга муктаж үй-бүлөлөр тууралуу тиешелүү мекемелерден алышкан. Ал эми жардам үчүн каражатты чет өлкөдө окуган студенттер беришкен.

Даярдаган: Г.Мамытбекова