Суусамыр: Мектеп окуучулары согуш ардагерин куттукташты

Суусамыр айылынын Кадырбек Конушбаев атындагы орто мектебинин бүтүрүүчү классы, класс жетекчиси Асель Бакаева жана айыл аймактык аялдар комитетинин төрагасы Нурзат Райымбекова Суусамыр айылынын жалгыз ардагери, Кошкоро Жаманкуловду 9-Май Улуу Жеңиш күнү менен куттукташты.

Ал Суусамыр айылындагы Улуу Ата Мекендик согуштун жалгыз ардагери. 1942-1945-жылдары согушка катышып, 5 жолу жеңил жаракат алган жана экинчи топтогу майып.

Мектеп окуучулары ардагер менен биргеликте

Кошкоро Жаманкулов 1924-жылы Суусамыр өрөөнүндө жарык дүйнөгө келип 1942-жылы, 18 жашында Улуу Ата Мекендик согушка аттанып, 1945-жылы 19-октябрда Мекенге жеңиш менен кайтып келген. Согуштан кийин 1952-1970-жылдарда мугалим болуп иштеп, учурда ардактуу эс алууда.

Кошкоро Жаманкулов(ортодо), Асель Бакаева(оңдо), Нурзат Райымбекова(солдо)

Бегимай Шамирдинова