Билим берүү мекемелериндеги видеокамераларды ИИМ көзөмөлдөйт

Акыркы учурдарда окуучулар  арасында  жана үй-бүлөдөгү балдарга карата зордук-зомбулук көбүрөөк орун алып жаткандыктан, көйгөйдү  алдын алуу максатында  жыйын өттү. Ак-Талаа райондук ички иштер бөлүмүнүн башчысынын орун басары Бакыт Кылычбек уулунун айтымында учурда мектеп, бала бакчаларда видеокамералардын маркаларын такталууда.

“Кибер коопсуздук алдын алуу максатында билим берүү мекемелериндеги видеокамераларды ИИМне кошуу аракеттери көрүлүп, мындан сырткары кароолчу(охрана), металлодетектор коюу талаптары болуп жатат. Анткени азырынча РИИБдө байкоочу тех.каражаттар коюла элек. Биздин жаш өспүрүмдөр менен иштөө кызматынын 6 кызматкери аймактагы 18 мектеп, 1кесиптик лицейди тейлейт. Бул ар бир кызматкерге 1347 окуучу туура келет дегендик. ИИМден биздин районго дагы жаш өспүрумдөр менен иштөөчү 4 кызматтык бирдик сурап жатабыз” -деди Б.Кылычбек уулу.

Азырынча ИИБдө видеокамераларды көзөмөлдөөчү тех.каражаттар жок, ошол себептүү ИИМ тарабынан көзөмөлдөнүп турарын кошумчалады.

Барчын Мамытбекова