Ноокатта «Биримдик кербени» аттуу иш-чара өткөрүлдү

9 Июнь 2026 жыл 11:16

Көрүүлөрдүн саны: 31

Ош облусунун Ноокат районуна караштуу Абшыр-Ата айылында «Биримдик кербени» аттуу салтанаттуу иш-чара болуп өттү. Иш-чарага Ноокат райондук мамлекеттик администрациясынын башчысы-аким, Ош облусунан келген бийлик өкүлдөрү, айыл өкмөт башчы ошондой эле өлкөнүн башка аймактарынан келген расмий өкүлдөр жана коноктор катышты. Маданий программа менен коштолгон иш-чарада улуттук каада-салттарды чагылдырган өнөрлөр көрсөтүлүп, келген конокторго жагымдуу маанай тартууланды.

Иш чара учурунда

Кулатов айыл аймагынын айыл өкмөт башчысы Абсатар Эшимбаевдин айтымында, мындай иш-чаралар элдин ынтымагын бекемдеп, аймактар ортосундагы кызматташтыкты чыңдоого өбөлгө түзөт:

«Салтанаттын негизги максаты коомдогу ынтымакты жана биримдикти бекемдөө, аймактар аралык кызматташууну өнүктүрүү болуп саналат. Анын алкагында катышуучулар достук мамилелерди чыңдоо, тажрыйба алмашуу жана биргелешкен демилгелерди ишке ашыруу боюнча пикир алышты.» — деп билдирди.