Лейлек районуна караштуу Сумбула айыл өкмөтүнөн аскерге 13 бала кетти. Ден соолугуна байланыштуу эки бала пландан алынганын айтты аскерге каттоо кызматкеринин инспектору Абдираим Джораев.
Лейлек районунун Сумбула айыл өкмөтүнө караштуу Сары-Дөбө орто мектебинде 21-май күнү “Энелерди сыйлайлы” деген темада 1-класстар тарабынан сынак-конкурс болуп өттү. Cалтанатта окуучулар энелерине ар кандай концерттик программаларын тартуулашты.
Лейлек районунун Сумбула айыл өкмөтүнө караштуу Андарак 2 атындагы орто мектебинин спорт залын куруу иштери 2015-жылы малекеттин каржылоосу менен башталган. Учурда жумуштар уланып, жаңы окуу жылына чейин спорт зал толугу …
«Сумбула FM» жамааттык мультимедиа борборунун кабарчысы Амантур Ганыев аталган борбордун тренери Камбар Асан уулу уюштурган сынакта жеңүүчү болуп, смартфонго ээ болду. Жеңүүчүгө сыйлыкты Клооп медианын координатору Кызжибек Сыргаева тапшырды.
“Бүткүл дүйнөлүк Балдардын укугун коргоо” күнүнө карата 2016-жылдын 24-майында Исфана шаарында өткөрүлүүчү “Сүннөткө отургузуу” аземине баруучу аз камсыз болгон жана сүннөткө отургузууга муктаж болгон балдардын тизмеси төмөнкүдөй.
Лейлек районундагы Андарак айылында 2014-жылы коюлган жол чырактар бүгүнкү күндө иштебей турат. Иштебегенин себеби алардын лампалары жараксыз болуп калган.
Лейлек ройонунун Сумбула айыл өкмөтүнө караштуу Манас атындагы орто мектебинде 19-май күнү от оюну майрамдалды. Бул бүтүрүучүлөргө арналып жагылган отту воллейбол боюнча республикалык спартакиаданын катышуучусу Акылбек Айтбаев жана 11-классынын мыкты окуучусу Кундузай Валламова жакты.
Лейлек районунун Андарак 1 орто мектебинде туура кесип тандоо боюнча тренинг өтүлүүдө. Аны Сухроб Эргашев алып барат.
Лейлек районуна караштуу Исфана шаарынын тургуну Камбаралы Турдубаев 40 жылдан бери кыргыз дөбөтүн сактап келет.
Бишкек шаарында 14-май күнү өткөрүлгөн Республикалык мектеп окуучулар арасындагы воллейболл боюнча 47-спартакиадасында Баткен облусу биринчиликти багынтты. Баткен облусунун курама командасында Андарак айылындагы Манас орто мектебинин эки окуучусу да бар.
Сумбула айылынын негизги жолдору оңдолбой келет. Айыл өкмөттүнүн жер адиси Кошбаков Үсөн жолду асфальттоо планына киргенин, сентябрь айына бүтөөрүн айтат.
Лейлек районуна караштуу Андарак айылында 14-май күнү бокс ийрими ачылды. Ийримдин машыктыруучусу Жумабек Батыров.
Сумбула айылынын борбордук мечитинин жолуна оңдоо-түзөө иштери жүргүзүлүүдө. Аны Манас орто мектебин 1996-жылы аяктаган бүтүрүүчүлөр оңдоодо.
Манас атындагы орто мектебинде 6-май күнү 1-А жана Б класстары “Алиппе” майрамын белгилешти. Майрамга ата-энелер келип катышты.
Бүгүн Манас атындагы орто мектебинде улуу жеңиштин 71 жылдыгына карата кыргыз улуттук классикалык күрөшү боюнча мелдеш болуп өттү.
Лейлек районуна караштуу Андарак айылындагы Манас атындагы орто мектебинде ишембилик болду. Ага Манас орто мектебинин 7-10-класстын окуучулары катышты.
Лейлек районуна караштуу Андарак айылында 2013-жылы ЮНИСЕФтин каржылоосу менен түзүлгөн “Жаштар борбору” өз ишин улантууда. Борбордо окуучулар өздөрүнүн билимин өркүндөтүп, ар кандай иш-чараларга катышып тажырыйба топтошот.
Лейлек районуна караштуу Андарак айылынын жаш тургундарынын бири чымынды колдонуу менен бактерияларга каршы күрөшүү дарысын ойлоп тапса, дагы бири суу тазалоочу фильтрди жасап чыккан.
Лейлек районуна караштуу Манас атындагы орто мектебинде 10-апрель күнү мугалимдер жана дарыгерлер арасында “Спорт — ден-соолуктун булагы” аталышындагы волейбол мелдеши өткөрүлдү. Бул мелдеште мугалимдер дарыгерлерден алдыга озуп чыгып, ийгилике жетишти.
Лейлек районундагы Сумбула айыл өкмөтүндө жаңы сүрөткана ачылды. Мурда бир гана сүрөткана бар болсо азыр экөө болду. Сүрөтканада эки адам эмгектенет.